Миша Грин ќе го режира „Томб Рајдер“

29.01.2021 januari petok

Откако ги ископа моштите од американското минато во „Лавкрафт кантри“ на Ејч-би-о, водителката Миша Грин доби уште една обемна работа во МГМ. Извештаите велат дека ќе се занимава со режија и ќе напише сценарио за продолжението на „Томб Рајдер“, што треба да ја врати Алиша Викандер како истражувачка на богатството на Лара Крофт. Работите се променија од 2019 година, кога Бен Витли беше најавен за режисер на „Томб Рајдер 2“. Грин сепак се смета за подобар избор. Таа паралелно продуцираше и ја напиша драмата „Андерграунд“ за „ВГН Америка“ во 2016 година, предводејќи две сезони со позитивни реакции.

Потоа ги однесе своите таленти во Ејч-би-о, приспособувајќи го романот на Мет Раф, „Лавкрафт кантри“. Двете приказни се длабоко вкоренети во историски факти и раскажуваат привлечни приказни за несреќи, преживување и упорност, што е одличен показател дека и „Томб Рајдер“ може да се претвори во суперприказна. Покрај тоа, знаете, ова ќе биде првпат жена да режира филм за Лара Крофт. Во филмот „Томб Рајдер“ во 2018 година, во режија на Роар Утауг, оскаровката Алиша Викандер ја презеде улогата на Лара Крофт, која претходно ја играше Анџелина Џоли. Врз основа на масовно популарната франшиза за видеоигри, која првпат беше лансирана на „Сега сатрурн“ во 1996 година, филмот заработи околу 250 милиони долари во светот.