Мицевски се врати на терените, Вардар славеше на првиот тест во Словенија

16.07.2024 juli Vtornik

Фудбалерите на Вардар издвојуваа победа над Мура од 2-0 во првиот меч на подготовките во Словенија.

Скопскиот тим ја сочува својата мрежа и притоа двапати го матираше противникот, резултатот го отвори Цветков во 32. минута, додека водството потоа го удвои Велковски во 49. минута.

Кога е во прашање овој тест вреди да се напомене дека за „црвено-црните“ конечно заигра капитенот Дарко Мицевски, поточно се врати на терените по повеќе месечната пауза поради повреда.

Следната контролка за вардарци е против Бистрица за два дена во Словенска Бистрица.