Милевски доби лоша вест по направените детални прегледи над Чурлинов

Благоја Милевски на вчерашниот прес најави дека има многу проблеми пред собирот на репрезентацијата со играчите кои не играат и не се во натпреварувачки ритам, но исто така додаде дека неповолности прават и повредите.

Дарко Чурлинов до денеска беше неизвесен за настап на дуелите против Грузија и Бугарија, но сега стана познато дека фудбалерот на Барнли и дефинитивно нема да стои на располагање поради повреда.

– Македонскиот репрезентативец, Дарко Чурлинов поради повреда нема да може да се стави на располагање на А тимот за подготовките и натпреварите на македонската репрезентација против Грузија (Тбилиси, 23. септември) и Бугарија (Скопје, 26. септември) од групата во Лига на нации.

Лекарските прегледи потврдија дека напаѓачот на англиски Барнли не е во можност да му помогне на репрезентативниот тим за претстојните мечеви поради повреда на задниот бутен мускул.

Собирот на нашата најдобра селекција за претстојните пресметки против Грузија и Бугарија е закажан за 19. септември (понеделник) во 12:00 часот во хотел Хилтон во Скопје, – објави ФФМ.