Милевски: Важно е да останеме први, не е важно како

13.10.2024 Oktomvri Nedela

Фудбалската репрезентација на Македонија денес од 18:00 часот ќе игра против Ерменија во рамките од четвртото коло во Лигата на Нации и тоа ќе биде одлучувачки натпревар за првото место.

Македонија по победата во Рига и ремито на Ерменија со Фарски Острови е во поволна позиции, па дури и со минимален пораз би останале први.„Пред почетокот на овој октомвриски циклус од Лигата на нации, целта ни беше да останеме на првото место. Не е важно како ќе дојдеме до таа цел, важно е да ја оствариме. Комплетно сме фокусирани на Ерменија и на тоа како треба да излеземе на терен.Не сакаме да мислиме на комбинациите, за тоа ќе размислуваме во ноември. Секој меч е различен. Утрешниот ќе биде различен од оној пред три години, но и од последниот кој минатиот месец го игравме со нив. Ерменците ни се како судбина, квалитетни се и не смееме да ги потцениме“, изјави Милевски на прес-конференцијата.

За Муслиу кој поради повреда порано го напушти натпреварот со Летонија, Милевски вели дека е во добра состојба, но се уште неговиот настап е неизвесен.