Милан прави последен обид за да ја ангажира ѕвездата на Порто

Италијанскиот великан Милан беше исклучително активен во овој летен преоден рок, донесе доста засилувања со тоа што таа листа треба да биде пополнета со уште едно име кое ќе биде директна конкуренција, замена за ветеранот Оливие Жиру. Имено „црвено-црните“ од „Сан Сиро“ ќе направат последен обидат да го добија потписот на ѕвездата на Порто, Мехди Тареми. Самиот играч е расположен, подготвен да премине во Милано и сега останува клубовите да си подадат рака за да може да се комплетира операцијата. Има разлика меѓу ставовите, Милан нуди 15 милиони евра, Порто бара околу 20 милиони евра, ама постои простор за компромис со оглед на тоа што Иранецот е во последната година од договорот. Се очекува во најбрзо време да се расчисти ситуацијата, да се знае дали Тареми ќе го направи трансферот на кариерата. Репрезентативецот на Иран има 31 година и досега освен во својата татковина има настапувано уште за Рио Аве и Катар.