Милан го потврди најлошото сценарио за Калулу (Фото)

Милан испушти убава предност од 0:2 на гостувањето во Неапол и на крајот мораше да се задоволи со освоен бод, но овој натпревар донесе и една многу разочарувачка вест за дефанзивецот кој е клучен во одбраната на Стефано Пиоли. Францускиот фудбалер се повреди во раната фаза на дербито и неговите гримаси не даваа добри први импресии за повредата, а на крајот испадна дека се работи за најцрното сценарио. Калулу ја скина тетивата на мускулот и мораше да подлегне на операција, а откако истата му била успешно извршена, Милан се јави со официјално соопштение. Клубот ја информираше јавноста дека операцијата била извршена во Финска од професорот Ласе Лемпаинен, но присутен на интервенцијата бил и претставник од медицинскиот тим на Милан. Калулу стави крај на 2023-та година доста порано од очекуваното, а Милан информира дека планирано е да паузира околу четири месеци.