МЗТ со шампионска лекција за Работнички

Актуелниот шампион МЗТ Скопје рутински потврди дека во моментов е пресилен тим за најголемиот ривал Работнички, добивајќи го денешното вечно дерби со убедливи 47:66.

Гостите го добија првиот период во „Кале“ со 14:19, а го решија победникот во вториот, кој заврши со резултат 8:20 во корист на МЗТ.

Работнички во продолжение можеше да се бори само за што помала негатива на крајот на средбата, а МЗТ славеше со 47:66.

Ајви со 16 и Крстевски со 14 поени беа најефикасни кај победникот, додека во редовите на Работнички, Крафорд реализираше 16 поени.

Работнички останува без победа сезонава, додека за МЗТ ова е втор триумф и враќање на победите по неочекуваниот пораз од Гостивар.