МЗТ Скопје соопшти кој ќе го води тимот во новата сезона

Најдобриот македонски кошаркарски колектив, МЗТ Скопје го соопшти името на стратегот кој ќе ја предводи екипата во натпреварувачката 2023/2024.

Клубот од Аеродром се одлучи ништо да не менува и да продолжи со Васко Атанасов, човекот кој минатата сезона им ја донесе десеттата лигашка титула на „металците“.

Атанасов доби шанса да биде прв тренер по заминувањето на Драган Николиќ, успеа да ја оствари главната цел и сега ќе добие шанса од самиот старт да го води МЗТ Скопје.

Воедно актуелниот првак ќе има еден старо-нов член, Никола Велев кој по две години минати во ТФТ се враќа во сино-белиот табор, поточно ќе биде дел од стручниот штаб.