МЗТ до планирана победа против фенерџијата Шибенка

02.02.2024 Februari Petok

Македонскиот првак МЗТ Скопје рутински го доби дуелот со Шибенка во АБА2 лигата (93:77) и стигна до шестата победа во регионалното натпреварување.

МЗТ уште на полувреме имаше плус 18 против фенерџијата во лигата и без никакви проблеми го заокружи овој настап во Нови Сад со убедлива и очекувана победа.

Делалиќ постигна 16, а Ворку и Баковиќ по 15 поени, предводејќи ги стрелците во редовите на МЗТ, додека кај Шибенка, Скориќ реализираше 19 поени.

МЗТ има скор 6-3 во АБА2 и е на петтото место на актуелната табела по девет одиграни рунди.

Во недела, противник на нашиот претставник ќе му биде домаќинот Војводина, кој засега има победа повеќе од МЗТ.