МЗТ без проблеми против Феникс во домашниот шампионат

Кошаркарите на МЗТ Скопје запишаа победа над Феникс 2010 во вечераниот натпревар од 21. рунда во најсилниот домашен шампионат.

Актуелниот првак важеше за апсолутен фаворит и тоа го потврди на теренот каде беше подобар од домашниот тим во сите четири четвртини. „Штрковите“ водеа со 42-32 на полувреме, предност која продолжи да расте и по паузата за конечна потврда, славје на четата на Николиќ во „Јане Сандански“.

Крстевски и Кук со по 15 кошеви беа најефикасни играчи кај победникот, додека искусниот Јанески со 19 поени беше прв стрелец кај Феникс.

МЗТ има учинок 19-2 и е на првото место на табелата, Феникс пак со 11-10 е на шестата позиција.