Меси со емотивна порака до Агуеро: Боли кога гледам вакво нешто…

Серхио Агуеро денеска официјално ја потврди информацијата дека решил да ја заврши фудбалската кариера и тоа го соопшти на прес-конференција организирана од неговиот фактички и последен клуб Барселона.

Аргентинецот одигра малку минути за Каталонците, но не може да ризикува кога лекарите го предупредиле дека срцевите проблеми кои му се утврдени се опасни за неговиот живот.

Пораки со поддршка и комплименти за Агуеро стигнуваат од сите страни на светот, а една од најемотивните е таа на Лионел Меси.

– Практично цела кариера сме заедно со Кун. Доживеавме многу убави и моменти и такви кои не беа толку убави, но тие не обединија и спријателија дополнително.

– Вистината е дека боли што гледам дека си принуден да не го правиш она што го сакаш најмногу. Сигурен сум дека ќе бидеш среќен и во иднина бидејќи имаш позитивно влијание на сите околу тебе, сега ти почнува нова етапа во животот и сигурен сум дека ќе ја живееш со истата насмевка.

– Ти посакувам се најдобро, ќе ми недостасуваш многу на теренот и на собирите на репрезентацијата, – му порача Меси на Агуеро, со кого неодамна стигна и до првиот трофеј на Копа Америка.