Меси со една изјава ги воодушеви фановите: Јас сум Ману во фудбалот! (Фото)

Поради својата блескава НБА кариера, Ману Џинобили доби место и влезе во Куќата на Славните покрај многу звучни и познати имиња, вест која дефинитивно донесе и огромна радост во Аргентина.

Фановите на Сан Антонио со години уживаа во мајсториите на аргентинскиот виртуоз кој освои четири НБА шампионски прстени и стана олимписки шампион, но во денови кога сите го пренесуваа неговиот говор од Куќата на Славните во Америка, вирална стана и една изјава на Лео Меси.

Сан Антонио ја пренесе кратката изјава која ја дал Меси за својот познат сонародник, правејќи една уникатна паралела меѓу нив двајца со оглед што станува збор за леваци.

– Многу ме прави горд кога ќе слушнам новинар како вели дека Ману е Меси во кошарката….

– Всушност, треба да велат дека јас сум Ману во фудбалот!