Меси смета дека има еден изразит фаворит за титулата во ЛШ, а тоа не е ПСЖ

23.11.2021 Noemvri Sreda

Лионел Меси е свесен дека цел свет гледа на ПСЖ како главен фаворит за титулата во Лигата на шампионите поради сите ѕвезди кои беа ангажирани во летниот преоден рок, но Аргентинецот кој добро знае колку е тешко да се стигне до трофејот во најелитното натпреварување, има еден јасен фаворит за трофејот во Европа.

Во интервјуто за „Марка“ кое е навистина опширно, Меси наброја неколку силни тимови на кои тој гледа како главни конкуренти на ПСЖ за трофејот, но сепак потенцира дека Ливерпул е на прво место, бидејќи избраниците на Клоп играат како во сезоната кога го освоија трофејот во Мадрид.

– Цел свет вели дека ние сме главни фаворити, нема да го негирам тоа, но ние сме еден од кандидатите. Сепак, ни недостасуваат работи да бидеме силни како тим, но има и други многу силни тимови во Европа.

– Во овој момент, сметам дека Ливерпул е најсериозен кандидат, овој тим на Ливерпул почна да игра како оној што ја освои Лигата на шампионите. После Ливерпул, тука се и Сити, Баерн, Реал Мадрид и Атлетико.

– Има многу тимови кои можат да се борат за титулата оваа сезона и ова ќе биде една од најизрамнетите и највозбудливи сезони во последните години, – вели Меси кој интересно не ја вброја Барселона во потсениот круг.