Меси не се израдува докрај на победата над Бразил: Ова веќе не смее да се толерира! (Фото)

Лионел Меси имаше физички проблеми и реши да одигра со повредата на мечот со Бразил, најверојатно понесен од емоциите и адреналинот кои посебно го распламнаа ова дерби уште пред да започне.

Пресметката меѓу Бразил и Аргентина стартуваше со жестока тепачка меѓу гостинските фанови и полицијата, а тензијата од трибините се префрли и на теренот, каде играчите водеа беспоштедна битка за секоја топка.

Светскиот шампион Аргентина се израдува на нова победа на „Маракана“ со голот на Николас Отаменди, но во моментите на големо славје, Меси не заборави да го осуди третманот кој го добија неговите сонародници.

Лео се огласи преку социјалните мрежи по запишаната победа, потенцирајќи дека таков насилнички однос кон Аргентинците веќе не смее да се толерира.

– Овој тим продолжува да прави историја….. Голема победа на „Маракана“ која ќе остане одбележана од репресијата која ја имаа Аргентинците во Бразил. Ова веќе не смее да се толерира, ова вистинска лудост и мора да прекине!, – посочи Меси.