Меси му ја исполни најголемата желба на Нејмар, Бразилецот не го крие воодушевувањето (Фото)

10.08.2021 Avgust Vtornik

На средина на минатата сезона, Нејмар јавно порача дека сигурно ќе игра со Лионел Меси во новата натпреварувачка сезона, но тогаш многумина мислеа дека тоа ќе се случи во Барселона.

Осум месеци подоцна, судбината посака да му се оствари желбата на Бразилецот, со тоа што сега двајцата по вторпат ќе играат заедно и во втор клуб, откако претходно тоа успешно го правеа во Барселона.

Меси полета за Париз и во најскоро можно време ќе потпише договор со ПСЖ, а своето воодушевување од ваквиот расплет сега за првпат не го крие и Нејмар.

– Повторно заедно, – порача Нејмар на Инстаграм стори како реакција на ексклузивната вест која ја потврдија сите медиуми.

Меси потпишува двегодишен договор со „светците“ по крајот на неговата незаборавна етапа во Барселона, со опција истиот да биде продолжен на дополнителни 12 месеци.