Мелоун: Јокиќ е најдобриот играч што некогаш сум го видел

Денвер Нагетс и во оваа сезона е една од најдобрите екипи во НБА лигата, а секако за тоа голема заслуга има Никола Јокиќ.

Србинот одлично си ја врши својата задача како лидер на тимот, дава кошеви, собира скокови, асистира…едноставно диктира темпо и ги води играчите во вистински правец. Во последниот триумф над Сан Антонио Спарс тој запиша дабл-дабл од 26 поени, 10 асистенции, плус додаде 8 скока, партија по која тренерот Мајк Мелоун испрати големи комплименти на негова адреса.

-Јокиќ веројатно е најдобриот играч што сум го видел. Видовте како ја одби топката, ќе беше одличен голман. Тој има фантастични раце и ги користи за да ги наруши противничките напади, било во пикенрол било во линијата на додавање. Нозете исто така завршуваат добар дел од работата, не се само рацете на Никола, -порача Мелоун.