Мегваер се „прослави“ со еден потег пред голот на Велс (Видео)

Хари Мегваер доби пофалби од англиската јавност за своите изданија и борбеноста на натпреварите на СП во Катар и по подолго време ги препушти критиките на други англиски репрезентативци. Капитенот на Манчестер Јунајтед коректно ги извршуваше своите дефанзивни задачи и на дуелот со Велс, но се посрамоти со еден офанзивен обид во првото полувреме. Мегваер се уфрли во противничкиот шеснаесетник и кога требаше да го загрози голот на Велшаните, биеше нелогично и далеку од голот на денешниот противник, како и од своите соиграчи. Сосема очекувано, потегот на Мегваер стана вирален на социјалните мрежи.