Мбапе откри во кој тим нема да направи трансфер: Никогаш во животот нема да играм за нив

Дел од медиумите помпезно и помалку нереално најавија дека меѓу заинтересираните клубови за Килијан Мбапе е и тимот на Тотенхем кој е далеку од битката за освојување трофеи.

Во моментов во Тотенхем ударна игла во нападот е Хари Кејн, но на големо се зборува за неговото заминување од „Вајт Харт Лејн“.

Токму Мбапе беше посочен како негова сензационална замена, но со последната изјава на францускиот фудбалер се стави крај на шпекулациите кои го поврзуваа со трансфер во Северен Лондон.

– Сигурен сум дека Тотенхем ќе има добра сезона со Антонио Конте затоа што тој е одличен менаџер. Тоа е добро за нив, а јас мислам дека никогаш во животот нема да играм за Тотенхем, -изјави кратко Мбапе за „Си-Ен-Ен“.

Килијан Мабпе се поврзува со заминување од ПСЖ и трансфер во Реал Мадрид, а и на таа тема играчот даде коментар во своето денешно интервју за „Си-Ен-Ен“.