Мајмун ја исклучи струјата на цела Шри Ланка

11.02.2025 Februari Vtornik

Снабдувањето со електрична енергија низ Шри Ланка вчера згасна, оставајќи ги сите 22 милиони жители на островот без струја. Мајмун кој упадна во електрана јужно од главниот град Коломбо е виновен за џиновската несреќа.

-Еден мајмун дојде во контакт со нашиот мрежен трансформатор, предизвикувајќи нерамнотежа во системот – изјави за новинарите министерката за енергетика Кумара Јајакоди.

Снабдувањето со електрична енергија постепено се обновува, а приоритет се болниците и станиците за третман на вода.

-Националната електрична мрежа е во толку ослабена состојба што може да се очекуваат чести прекини на електричната енергија низ островот доколку дојде до прекин дури и на една од нашите линии – рече неименуван висок инженер, цитиран од агенциите.

-Само во Шри Ланка група мајмуни кои се тепаат во електрана може да предизвикаат прекин на струја на целиот остров – пишува главниот уредник на весникот, Џамила Хусеин.

Шри Ланка (поранешен остров Цејлон) доживеа чести прекини на струја за време на тешката економска криза во 2022 година.