Мајкл Китон за малку ќе ја пропуштел САГ-наградата бидејќи бил во тоалет

Мајкл Китон бил во тоалетите кога бил прогласен за добитник на наградата на Здружението на актерите – Screen Actors Guild (САГ) во неделата вечерта. 70-годишниот актер освои награда во категоријата извонредна изведба на машки актер во телевизиски филм или лимитирана серија за улогата во Dopesick како доктор Семјуел Финикс, но ја задржа водителката Сeлма Хаек (55) да чека додека не се појави на сцената. Актерката од „Куќата Гучи“ најави: „И наградата оди кај Мајкл Китон, Dopesick“. Публиката чекаше неколку минути додека Китон не се појави на сцената. Селма се пошегува: „Дали се шегуваш со мене? Имам страв од сцената. Ајде Мајкл! Ајде Мајкл!” Мајкл тогаш излезе и рече дека причина за доцнењето е зафатениот машки тоалет.