Search
Мајами обезбеди следна рунда, Бриџис го замени Букер за водство на Феникс
- Aleksandar Santovski
- Apr 27, 2022
- 1 min read
Мајами ја победи Атланта со 97:94 и со вкупна победа од 4:1 се пласираше во второто коло на НБА плејофот. Домаќините го неутрализираа отсуството на Џими Батлер, а најефикасни биле Оладипо со 23 и Адебајо со 20 поени. Феникс мораше да игра без Девин Букер, но затоа Мајкл Бриџис се истакна со својот настап и ги предводеше „сонцата“ до победа од 112:97, за предност од 3:2 во серијата против Њу Орлеанс. Бриџис го заврши натпреварот со 31 поен, додека стандардно добра партија одиграл и Крис Пол со 22 поени. Реализаторски предводник на гостите бил Инграм со 22 поени. Мемфис и Минесота одиграа уште еден возбудлив дуел, а домаќините славеа со 111:109, предводени од Морант кој реализирал 30 поени. Мемфис води со 3:2 во оваа серија.

Comments