Маунт првпат позираше во дресот на Манчестер Јунајтед (Видео)

Мејсон Маунт вчера се „одјави“ од Челси со пораката испратена до фановите, па денеска е денот во кој Манчестер Јунајтед и официјално ќе може да се пофали со важното засилување.

Ерик тен Хаг го реализираше првиот трансфер во летниот преоден рок и тоа со англиски репрезентативец кој ќе биде сериозно освежување и квалитетна надградба на средниот ред на „црвените ѓаволи“.

Јунајтед денеска гордо ги објави првите фотографии и видеа на Маунт во дресот на овој клуб, со што предизвика и многу реакции кај своите задоволни фанови.

Маунт потпишал до 2028 година, со опција за продолжување на договорот на уште една година, а во Јунајтед доаѓа на 24-годишна возраст и со многу искуство зад себе.