Маскерано со прогноза за „Ел Класико“: Ќе биде отворен натпревар, ќе победи…

Утре од 16:15 часот се игра првото сезонско дерби меѓу Барселона и Реал Мадрид, двата големи шпански ривали кои и оваа сезона се главни кандидати за пехарот во Примера.

Барселона ќе се обиде да го одбрани домашниот терен и забележи победа со која ќе ги надмине „кралевите“ на прволигашката табелата, додека пак гостите со позитивен резултат (триумф) можат да ја зголемат разликата на четири бода по 11 кола што може да биде значајна предност во оваа фаза.

Хавиер Маскерано многу добро знае како е да се играат овие „Ел Класико“ пресметки со оглед на тоа што осум години го носеше дресот на каталонската гордост, период во кој имаше можност директно да биде инволвиран во убави моменти, победи на екипата, а негови најомилени се следниве:

-Можам да кажам 4-0 на Бернабеу во сезоната 2015-16! Исто така, моето прво Класико не играв, но бев на клупата. Беше 5-0 на Камп Ноу во 2011 година, првиот натпревар во кој Пеп [Гвардиола] се соочи со [Жозе] Мурињо во Ла Лига. Се сеќавам и на еден натпревар во 2017 година, го победивме Мадрид на Бернабеу со 3-2 кога Меси го крена дресот. Така да, имам многу, многу убави споменим -истакна Аргентинецот кој даде и прогноза за соочувањето на „Монжуик“.

-Секогаш се трудам да зборувам со моето срце! Мислам дека Барса ќе победи. Мислам дека ќе биде многу отворен натпревар, но Барса ќе победи со 2-1, -порача Маскерано за „Гол“.