Мароканецот кој најмногу ја воодушеви светската јавност му „симна капа“ на Модриќ: Најважно од се е

Мароканецот кој најмногу ја воодушеви светската јавност му „симна капа“ на Модриќ: Најважно од се е да се биде голем човек! (Фото)Лука Модриќ е пример за тоа како треба да се однесува еден спортист на фудбалскиот терен за време на еден натпревар, но и надвор од него и кога работите не се баш така идеални по неговиот тим.

За разлика од некои други големи фудбалски ѕвезди, Лука покажува класа и во тежок пораз, а последниот доказ за такво нешто го добивме во полуфиналето кога срдечно и спортски им честиташе на сите Аргентинци.

Модриќ со години наназад покажува манири кои треба да послужат како пример за сите идни фудбалски генерации, па додека цел свет им се поклонува на Лео Меси и Аргентинците, најдобриот играч на Мароко на Светското првенство реши да истакне каков голем човек е Хрватот.

Софијан Амрабат ја воодушеви светската спортска јавност со своите настапи на мундијалот, но очигледно најмногу трогнат останал од понизноста и едноставноста на Модриќ по крајот на „малото финале“.

– Не само што е голем играч, уште поважно, тој е голем човек, – порача Амрабат.