„Марка“ најави рекорден трансфер на Реал: Завршена работа!

Шпанска „Марка“ отсекогаш била добро информирана за случувањата во Реал Мадрид, а половина од денешната насловна страница ја посвети на еден многу важен трансфер на „кралскиот клуб“. Според весникот, трансферот на Џуд Белингам од Борусија Дортмунд е веќе завршена работа, бидејќи клубот за краток период успеал да се договори за Германците околу трансфер деталите и финансиските услови. – Белингам е завршена работа за Реал, – тврди „Марка“. Инсајдерските информации на шпанските медиуми се дека Реал ќе плати 120 милиони евра, од кои дел на рати, а во договорот ќе има и одредени клаузули со бонуси. Англискиот репрезентативец ќе стане најскап трансфер во историјата на Реал, надминувајќи го тој на Еден Азар.