Манчестер Сити го објави трансферот на нов дефанзивец

Англискиот првак Манчестер Сити го комплетираше најавениот трансфер на Мануел Аканџи.

Швајцарскиот стопер доаѓа од Борусија Дортмунд, клуб кој ја прифати понудата на Сити имајќи предвид дека Аканџи следното лето ќе станеше слободен агент.

Повредите на Лапорт и Аке го принудија Пеп Гвардиола да бара ново решение за одбраната, а Аканџи бил примарен избор, со оглед и на цената која Сити ќе треба да ја плати за фудбалер со докажан квалитет.

27-годишниот фудбалер настапуваше за Борусија од јануари 2018 година и забележа 158 настапи за бундеслигашот.

За Сити ова е петто засилување во овој преоден рок, а Аканџи повторно ќе игра со доскорешниот соиграч Ерлинг Халанд.