Македонските фудбалери добија херојски пречек на скопскиот аеродром

22.06.2021 Juni Vtornik

Фудбалерите и стручниот штаб на македонската репрезентација беа пречекани од бројни навивачи и претставници на медиумите на скопскиот аеродром, по пристигнувањето од Амстердам каде што вчера го одиграа последниот меч од групната фаза на Европското првенство.

Досегашниот капитен на националната селекција Горан Пандев и неговите соиграчи беа се сликаа со дел од вработените на аеродромот и со обожавателите од кои беа бурно поздравени по дебитантското учество на Македонија на големите фудбалски натпреварувања.

Фудбалерите се сретнаа и со претседателот на Кошаркарската федерација на Македонија Перо Антиќ и директорот на Агенцијата за млади и спорт Наумче Мојсовски, кој при средбата со Пандев му се поклони на легендарниот фудбалер. АМС организираше и автобус за пречек за оваа пригода.

Наумче Мојсовски со наклон го пречека Горан Пандев

Македонија го заврши дебитантскиот настап на големите натпреварувања со три порази во групната фаза, од Австрија (1-2), Украина (1-3) и од Холандија (0-3), но во сите мечеви прикажа допадлива и борбена игра, додека имаше силна поддршка од македонските навивачи во Букурешт. „Црвено-жолтите“ стекнаа бројни симпатии од љубителите на фудбалот, а во сеќавање ќе остане историскиот гол на Пандев против Австрија, прв за националната селекција на големите натпреварувања.