Македонските кадети изборија Светско првенство – победа над Фарски Острови на ЕП

06.08.2026 Avgust Cetvrtok

Македонската машка кадетска ракометна репрезентација обезбеди пласман на Светското првенство во 2027 година, откако на Европското првенство ја совлада селекцијата на Фарски Острови со 34-32 во разигрувањето за пласман од 9. до 16. место.

Избраниците на селекторот Горан Кузманоски одиграа квалитетен натпревар и во најголемиот дел имаа контрола над резултатот. На полувремето Македонија водеше со 18-13, а иако во второто полувреме дојде до мал пад во играта, предноста беше зачувана до самиот крај.

Дуелот беше исклучително борбен, а судиите покажаа вкупно четири црвени картони – по два за двете репрезентации. На голот блескаше Николовски со десет успешни интервенции, додека најефикасни во македонскиот состав беа Ѓорѓиески и Ѓорѓиевски, кои постигнаа по седум погодоци.