Македонскиот камерен оркестар „Профундис“ ќе го затвори престижниот фестивал на класична музика „Рав

Македонскиот камерен оркестар „Профундис“ ќе го затвори престижниот фестивал на класична музика „Раванелиус“ во Србија В сабота, 8 јули, македонскиот камерен оркестар „Профундис“ ќе настапи на еден од најпрестижните фестивали за класична музика во регионот – „Раванелиус“ во Ќуприја, Србија. Ова учество е посебно и значајно бидејќи „Профундис“ ќе биде дел од затворањето на овој врвен музички фестивал. Реномираниот камерен оркестар „Профундис“ е единствениот македонски претставник на овој фестивал, а на сцената заедно со нив како солист ќе настапи извонредниот српски кларинетист Огњен Поповиќ, исто така познат како виртуоз во своето музичко творење. „Ова е само еден од настапите, кои уште еднаш ги потврдуваат трудот, вредната посветеност и љубовта што ја посветуваме во нашето творење и навистина со голема чест ја прифативме поканата на организаторите да настапуваме на затворањето на фестивалот на музички извонредности ‘Раванелиус’ и да ја делиме сцената заедно со најпознатиот српски кларинетист Огњен Поповиќ“, изјави маестро Ѓурѓица Дашиќ, уметнички раководител и диригент на „Профундис“. Инаку, фестивалот на музичките извонредности „Раванелиус“ преставува еден од најпрестижните фестивали во регионот, кој преку својот современ концепт придонесува кон развој на класичната музика. Годинешното издание, кое се одржува од 1 до 8 јули, го отвори еден од најдобрите светски виолинисти – Немања Радуловиќ. Во своето четиригодишно постоење фестивалот се закити со престижното признание „Музика класика“ за најдобар регионален фестивал во регионот и беше домаќин на над 150 изведувачи со повеќе од 4.000 посетители.