Македонија ќе биде во четвртиот шешир на ждрепката за ЕП во 2024 година

Македонската сениорска фудбалска репрезентација ќе биде во четвртиот шешир на ждрепката за Европското првенство во 2024 година, ждрепка која е закажана за 9. октомври во Франкфурт.

Ние до последен момент не знаевме дали ќе останеме во „четвртата група“, односно моравме да чекаме услуга од соседите Косово и Грција.

Косово го уништи Кипар со 5-1, додека Грците на домашен терен не дозволија изненадување и ја победија Северна Ирска со 3-1.

Ова значи дека избраниците на Милевски во квалификациите за ЕП нема да може да се соочат со Грузија, Грција, Турција, Казахстан, Луксембург, Азербејџан, Косово, Бугарија и Фарски Острови.