Македонија пристигна во Амстердам, резервистите го одработија првиот тренинг (Фото)

19.06.2021 Juni Sabota

Македонските фудбалски репрезентативци пристигнаа во Амстердам каде во понеделник ќе го одиграат својот последен натпревар на Европското првенство против Холандија. Денеска целосен тренинг во Амстердам одработија фудбалерите кои не заиграа против Украина или играа, но не ги одработија сите 90 минути, додека оние кои ја одиграа цела средба добија поштеда од селекторот Ангеловски и го прескокнаа тренингот. Се очекува Ангеловски да комбинира со составот за понеделник со оглед на фактот што тоа ќе биде последен настап за нашите репрезентативци на историското Европско првенство за нашата селекција.