Македонија загуби од Црна Гора на вториот контролен меч во Маврово

Македонската ракометна репрезентација доживеа минимален пораз од Црна Гора од 31-30 на вториот контролен меч што се одигра во Маврово.

Вчера нашата селекција ги надигра Црногорците со 38-33, но на денешниот тест кој беше од затворен тип гостите успеале да изборат триумф од еден разлика.

Со ова избраниците на Кирил Лазаров го завршуваат тест натпреварите за оваа календарска година, односно наредниот е оној ревијалниот, хуманитарниот со ветераните закажан за 3 јануари по што ќе следат пријателски со Хрватска и Израел.

Да потсетиме „црвено-жолтите“ на СП во Полска и Шведска се во група заедно со Норвешка, Аргентина и Холандија.