Магијата на фудбалот: Евертон со џентлменски потези го пречека англискиот петолигаш (Фото)

Вечерва на програмата е еден единствен дуел во англискиот ФА Куп, а истиот го привлече вниманието уште пред почетокот поради извонредниот гест кој го режираа „карамелите“.

Евертон како дел од елитата е апсолутен фаворит во пресметката со англискиот петолигаш Борехам Вуд, клуб кој сепак сигурно уште долго ќе ги памети џентлменските потези од страна на премиерлигашот.

Поради истите бои на дресовите, Борехам Вуд се најде во ситуација да нема што да носи на гостувањето на „Гудисон парк“, но Евертон се направи овој проблем да биде безначаен, бидејќи им изработи нови дресови во црна боја и истите сега ќе можат да ги користат во Куповите.

Покрај новите дресови, Евертон на петолигашот му обезбедил финансии за патните трошоци и за едно ноќевање во елитен хотел во Ливерпул, што ќе направи вечерашното гостување на „Гудисон парк“ да биде незаборавно за играчите кои се играат нискологашки фудбал.

– Секоја чест за џентлменските потези од Евертон. Неверојатно е тоа што го направија, за вакви работи може само да се сонува. Ние се најдовме меѓу 16-те најдобри во ФА Купот и ова е големо достигнување за нас. Сега ќе уживаме на теренот, – изјавил тренерот на Борехам Вуд, Лук Гарард.