Луис Енрике: Јас подобро го претставувам стилот на Барса од Чави!

09.04.2024 April Vtornik

Луис Енрике ќе има специјално враќање во Барселона и утрешниот натпревар ќе биде посебен за него, бидејќи познатиот шпански стручњак доаѓа како ривал да води тим против својот сакан клуб.

Популарниот Лучо најави дека ќе биде максимално професионален и дека ќе се обиде да ги пронајде сите слаби точки во тимот на Чави Ернандес, но актуелниот тренер на ПСЖ имаше и молскавичен одговор откако доби прашање која ја водел подобро Барселона.

– Јас подобро го претставувам стилот на Барса од Чави. Тоа не е мислење, тоа е факт, можете да ја погледнете статистиката. Посед на топка, висок пресинг, шанси за гол, освоени титули и важни натпревари……

– Без никаков сомнеж, јас подобро го претставив стилот на Барселона додека бев тренер. Нормално е, ќе има и такви кои мислат поинаку и немам ништо против тоа, – изјави Луис Енрике и додаде.

– Не го познавам Чави како тренер, го познавам како играч. Од оваа гледна точка, го знам како фан плус на Барселона. Јас добро го познавам клубот, но не знам дали тоа е предност во еден ваков двомеч. Овие натпревари ќе бидат специјални за мене, сакам да играм против најдобрата Барса. Ако се прашувам јас, би сакал да играше и повредениот Гави. Очекувам голема битка на двата меча, сакам да се гледа фудбалски спектакл, – изјави Лучо.