“Лирски елегии” и “Поеми од Балканот” – поезија од Саша Трајковски

02.02.2022 Januari Sreda

“Лирски елегии” и “Поеми од Балканот” се наслови на двете книги поезија од Александар Саша Трајковски кои излегоа од печат во издание на “Дата Песнопој”.

“Имајќи ја во предвид компетентноста на авторот да пишува за човечката психологијата, бидејќи по вокација е лекар, му дава можност со голема леснотија да успее на многу едноставен начин да ги прикаже детални сите слоеви од раскошната, божествена и совршено искрена убавината на човекот, но во исто време и неговите лоши и темни страни, се она што може да го опкружува еден човек во едно општство, што го вознемирува или го опструира“, се вели во најавата на двете дела на Трајковски.

Како што вели авторот, неговата професија, колку е благородна толку е и комплицирано сложена, што самата по себе како ланец зад себе си го носи тој толку непосакуван, но неизбежен стрес, обременетост секојдневна со анксиозност, тага, емпатија кон тие што страдаат, и сето ова е всушност и главната инспирација негова за пишување на поезија, но и конкретно во неговите најнови книги.