Лига на нации: Македонските фудбалери се надеваат на позитивен исход против Ерменија

13.10.2024 Oktomvri Nedela

Денеска од 18.00 часот најдобрата македонска фудбалска репрезентација на гостински терен против Ерменија ќе го игра својот четврти натпревар во групата 4 од Ц сегментот во Лигата на нации.

Нашите најдобри фудбалери се на чекор од обезбедување на првото место во групата кое воедно носи и ранг погоре во ова натпреварување.

Избраниците на селекторот Благоја Милевски по победата од 3:0 против Летонија на гости, се надеваат на позитивен исход.

Во првиот меѓусебен дуел во Скопје одигран на 10 септември Македонија славеше со 2:0.

Милевски е сигурен дека репрезентативците ќе ги повторат страста и желбата со кои му пристапија на натпреварот против во Рига и повторно ќе се дојде до позитивен резултат.

Моментно на табелата по четири кола води Македонија со седум бодови, пред Ерменија со четири, следува Летонија со три, а Фарски Острови има два.

Во четвртото коло од 20.45 часот селекцијата на Фарски Острови ќе ја пречека Летонија.