Ливерпул официјално ќе бара поништување на црвениот картон на Мак Алистер

Ливерпул ќе бара поништување на црвениот картон кој Алексис Мак Алистер го доби на саботниот натпревар со Борнмут.

Аргентинецот беше исклучен поради стартот над Рајан Кристи, но фудбалската јавност се обедини на ставот дека одлуката на судијата била претерана, а ВАР судиите погрешиле што не побарале од него да ја прегледа снимката.

Менаџерот Јирген Клоп уште по натпреварот најави дека Ливерпул ќе разговара со официјалните лица на оваа тема, а сега и дефинитивно е донесено решение со кое ќе се бара разгледување на случајот од официјалните лица.

Клоп тогаш изјави дека неговиот тим бил доволно казнет што играл 40 минути со играч помалку.

Уште во првото коло судиската комисија мораше да му се извинува на тимот на Волвс, затоа што не добил чист пенал на дуелот со Манчестер Јунајтед, а судиите од таа средба беа „замрзнати“ барем едно коло од Премиер лигата.