Лејкерс претрпе нов пораз и сериозно „виси“ за НБА плеј-инот

01.04.2022 April Petok

Лос Анџелес Лејкерс игра разочарувачка сезона и одамна нема шанси за плејофот, но на шест натпревари до крајот на регуларниот дел од сезоната, станува јасно дека „езерџиите“ сериозно висат и за плеј-инот.

Во овој момент, Лејкерс е надвор од првите 10 на Западот и четирите порази во низа не се никаква добра вест, а уште помалку тоа што не играат двете најголеми ѕвезди.

Без Леброн Џејмс и Антонио Дејвис, „езерџиите“ утрово запишаа пораз и од Јута Џез со уверливи 122:109, па така останаа на само 31 победа во актуелната натпреварувачка сезона, што прави да бидат на 11-то место.

Првите шест тима обезбедуваат директен пласман во плејофот, додека од седмото до десеттото место ќе се игра таканаречен плеј-ин кој беше воведен за време на Ковид пандемијата.

Лејкерс во овој момент има исто победи како и десетопласираниот Сан Антонио, па во последните шест меча ќе го дознаеме последниот патник во плеј-инот од Западот. Со оглед на комплексната ситуација и новиот пораз, американските новинари најавуваат дека двете ѕвезди ќе се обидат да стиснат заби и ќе му помогнат на тимот во наредните неколку денови.

НБА резултати: Детроит – Филаделфија 102:94 Атланта – Кливленд 131:107 Бруклин – Милвоки 119:120 (продолжение) Чикаго – ЛА Клиперс 135:130 (продолжение) Јута – ЛА Лејкерси 122:109