Летечкиот Монфис изведе две НБА атракции на тениски меч и стана вирален хит

Гаел Монфис е еден од тенисерите за кои фановите со големо задоволство купуваат карта за да бидат на трибините, а причина за тоа е спектаклот кој е загарантиран со Французинот на тенискиот терен.

Монфис веќе е во фаза на кариерата кога не остварува број на победи како што посакува, но кога е во добар ритам и е расположен за игра, се уште знае како да стигне до сигурен триумф.

Французинот го отвори турнирот во Вашингтон со победа над Фратанџело со 6:3 и 6:4, но во фокусот се најдоа два потези кои ги изведе за време на мечот.

Гаел е познат по своите акробации и атлетски способности, па иако во септември ќе наполни 37 години, тој се уште е способен за лудории какви правеше во раната фаза на кариерата.

Монфис успеа да изведе две НБА атракции на мечот со Фратенџело, односно имаше две тениски забивања со атрактивни кошаркарски движења, видеа кои брзо станаа вирални на социјалните мрежи.