Лембанов си поднел оставка, Темелковски ќе го води Пролет во Прилеп

Составот на Тинекс Пролет влезе во лоша резултатска серија во Суперлигата, забележа три порази во низа од кои последниот беше изненадувачки од Вардар Неготино (24-22), пораз по кој тренерот Алексо Лембанов одлучил да ја презема одговорноста и си поднел оставка. Управата на клубот се уште нема донесено одлука, поточно не сака да биде донесено брзоплето решение и ова прашање ќе го расчисти за време на паузата поради ЕХФ-неделата. Во меѓувреме пак екипата на соочувањето со Прилеп ќе ја води искусниот Илија Темелковски. Иле е клупска легенда и управата има максимална доверба во него дека ќе успее да го извлече максимумот од играчкиот кадар што го има на располагање и ќе оствари позитивен резултат.