Легенда на Барселона сака да се врати на „Камп Ноу“: Тоа е мојот дом, ако Чави ми се јави…

Барселона се обидува да се врати на победнички патеки под водство на Чави Ернандес, но во исто време мора да внимава на финансиската состојба која е далеку од идеална и тоа дефинитивно е пречка тренерот да ги добие посакуваните засилување, поточно најголемиот фокус мора да биде ставен на школата.

Шпанскиот шампион купи само еден играч во летниот преоден рок и тоа искусниот Ориол Ромеу што јасно говори за проблемите кои клубот го има, поточно истиот бара различни начини, позајмица и асови кои се слободни на пазарот за да создаде некој конкурентен тим.

Секое квалитетно засилување е повеќе од добредојдено, па така легендата на клубот Педро Ледесма се нуди за да дојде и помогне.

-Ако ми кажат и Чави ми се јави, јас ќе бидам таму пред тој да зажали и ја спушти слушалката. Барса е мојот дом, тоа не значи дека не го бранам 100 проценти клубот во кој сум сега [Лацио]. Барса е мојот тим, за мене е многу комплицирано да се вратам, поради многу фактори, поради возраста, но би сакал. Да се пензионирам во Барса би било спектакуларно, но на тоа гледаме далеку и тешко, тоа е нешто за што не ни размислувам.

-Имам голема доверба во Чави. Тој е тренер кој дава сè, има многу добри идеи за тоа што сака да го направи, а тоа е да ја издигне Барса што е можно повисоко, -истакна Педро кој своевремно играше заедно со Чави и ги освои сите пехари во Барселона.

Напаѓачот има договор со Лацио до 30 јуни 2024 година.