Левандовски со порака до фановите: Се уште можам да играм на врвно ниво

Полскиот напаѓач, Роберт Левандовски ги уверуваше фановите на Барселона дека може да игра на врвно ниво уште неколку години.

33 годишниот напаѓач пред извесен период го реализираше очекуваниот трансфер на „Камп Ноу“, а дел од навивачите на Барса се скептици дека фудбалерот долго време ќе биде на високо ниво.

Сепак, Лева истакна дека според тестовите кои ги правел се покажало дека неговото тело изгелда помладо од неговите години, па би можел да одигра на врвно ниво уште неколку години.

– Тестовите кои ги минав покажуваат дека моето тело е всушност помладо од моите години. Не знам уште колку години ќе играм на највисоко ниво, но сигурно е дека ќе се уште неколку, -изјави Левандовски.