Леброн му „симна капа“ на Јокиќ: Тој е ѕвер, нема играчи како него во нашата лига

Леброн Џејмс ја одигра најдобрата партија во серијата против Денвер Нагетс, но и неговите 40 поени, 10 скокови и 9 асистенции не беа доволно неговиот Лос Анџелес Лејкерс да оствари позитивен резултат и избегне „метла“ во оваа финална серија на Западот во НБА лигата.

Нагетс одигра фантастичен тимски меч, комплетната петорка беше двоцифрена со тоа што одново најистакнат беше Никола Јокиќ со трипл-дабл учинок од 30 поени, 14 скока и 13 асистенции. Со ова Србинот уште еднаш потврди зошто е еден од најдобрите играчи во лигата, а кога „капа“ ќе ви симне Леброн Џејмс тогаш е јасно дека сте нешто посебно.

-Кога имаш играш како Јокиќ кој е висок како него, интелегентен, не смеете да правите многу грешки. Дури и кога го чувате во една од најдобрите акции во кои мислите дека го пазите, тој ја ставата топката зад глава во стилот на Лери Бирд, шутира од 4,5 метри и дава кош, Тоа го направи четири или пет пати во оваа серија, тогаш само му се поклонувате, -истакна Џејмс кој беше запрашан што Лејкерс научиле од центарот на Денвер во оваа серија.-Ништо. Знам колку е голем, знам колку Џокер е голем. Некои играчи во лигата играат на одреден начин, начин на кој и јас сакам да играм. Тој е еден од нив, гледа потег пред да се случи. И нема многу такви кошаркари во лигата. Знаевме дека ѕвер и пред да започне серијата.

-Сите се вовлечени во неговата статистика, но мислам дека многу луѓе не зборуваат за менталниот дел од неговата игра. Можеби тој не зборува за тоа, затоа што многумина не го разбираат. Но, јас разбирам. Да, тој е посебен, -заклучи најголемаат ѕвезда на „езерџиите“,