Леао: Сите во Милан сонуваме да ја освоиме ЛШ

Екипата на Милан успеа да дојде до полуфинале билет за Лигата на шампионите и тоа откако во четвртфиналниот двомеч го надигра ривалот од Серија А, тимот на Наполи со вкупни 2-1.

„Росонерите“ славеа на првата средба во Милано, а вчера беа на чекор до триумф и во Неапол, но домаќините со голот на Осимен во 93 минута се изборија за симболично реми (1-1).

Еден од хероите на „црвено-црните“ беше Рафаел Леао кој имаше страшен пробив во 43 кога успеа да се прошета низ домашната одбрана и притоа му сервираше чиста топка на Жиру на кого воопшто не му беше тешко да ја смести на вистинското место. Постигнатиот резултат, успех донесе задоволство во таборот на Милан кој по долго време е меѓу четирите најдобри во Европа, меѓутоа играчите не планираат тука да застанат.

-Јас секогаш се обидувам да ги измамам ривалите кога сум во ситуација еден на еден. Знам дека можам да ја создадам оваа разлика. Ако не можам да постигнам гол, тогаш секогаш гледам каде се моите соиграчи. Минав двајца играчи Наполи, го видов Жиру и знаев дека ќе постигне гол ако ја додадам топката. Многу сум среќен. Ние сакаме да продолжиме да сонуваме и да имаме високи цели. Сите во клубот сонуваме да ја освоиме Лигата на шампионите. Верувам дека сме блиску до таа цел, -порача Леао.

Милан во полуфиналето ќе игра со подобриот од Интер-Бенфика каде калчолигашот има предност по првиот меч од 2-0.