Леао предизвика бура од реакции со својата изјава за Роналдо и Ибрахимовиќ, па ги замолкнуваше медиу

Рафаел Леао игра сензационално добро од стартот на сезоната и сосема заслужено се избори за место во португалската фудбалска репрезентација, но неговиот прес кој бил одржан рано денеска, предизвика бура од реакции на социјалните мрежи поради изјавата која ја пренесоа новинарите и медиумите.

На своето обраќање, младиот офанзивен фудбалер на Милан добил прашање да направи избор меѓу Кристијано Роналдо и Златан Ибрахимовиќ, при што младиот играч му дал блага предност на својот сонародник кој настапува во Манчестер Јунајтед.

– Тоа се двајца големи играчи кои неизмерно го почитувам. Се обидувам да учам постојано од нив. Сепак, мислам дека сум посреќен кога го делам теренот со Роналдо. Тој е играч кој премногу го ценам, – гласи изјавата на Леао која предизвика бура од реакции на социјалните мрежи.

Фановите на Милан брзо почнаа да прават шеги дека ќе добие вистинска лекција од Ибра кога ќе се врати во Милано, но набрзо пристигна и реакција од самиот Леао кој реши да ги замолкне медиумите, потенцирајќи дека не направил избор и дека преферира да игра и со двајцата.