Лајлс со пеколен пресврт стигна до златото на 100 метри (Видео)

Американскиот спринтер Ноа Лајлс досега во кариерата се истакна како специјалист на трките на 200 метри, но сега за првпат во кариерата стана и светски шампион на 100 метри.

Двократниот светски првак на 200 метри денеска беше најбрз на најкратката делница и славеше во финалето на Светското првенство во Будимпешта, иако немаше баш најдобар старт на трката.

Американецот имаше лоши почетни 30 метри и не изгледаше како атлетичар кој е во најдобар позиција за победа, но со пеколно забрзување во завршницата дојде до пресврт и до златниот медал.

Со најдобро лично време од 9:83, Лајлс го освои златото пред Лестли Тебого од Боцвана кој заврши втор и го освои среброто, а бронзата му припадна на Британецот Жарнел Хјуз.

Оваа победа не означува крај на возбудувањата за Лајлс во Будимпешта, бидејќи е пријавен и за трката на 200 метри каде сигурно ќе брка нова победа.