Лаутаро ја откажа Фиорентина, Интер повторно го освои Купот (Видео)

Лаутаро Мартинез набрзина постигна два гола за Интер, а неговиот тим освои уште еден трофеј во италијанскиот Куп по триумфот над Фиорентина (2:1).

Финалето на „Олимпико“ започна одлично за „виолетовите“ кои поведоа уште во 3. минута со голот на Гонзалес, но тоа не влијаеше премногу негативно на фаворитот.

Интер бргу се врати во игра, најпрвин израмнувајќи преку Аргентинецот, кој искористи лоша поставеност на одбраната на Фиорентина и израмни во 29. минута.

Само осум минути подоцна, Лаутаро погоди уште еднаш за пресврт, а фактички ги постави и конечните 2:1 во корист на Интер.

„Нероазурите“ го одбранија трофејот освоен минатата година и стигнаа до деветтиот успех во ова натпреварување.