Лампард пред гостувањето на „Бернабеу“: Да ги збуниме луѓето….

Тоа што изгледаше незамисливо пред неколку седмици, утре ќе биде вистинска реалност на „Сантијаго Бернабеу“, бидејќи Френк Лампард ќе седи на клупата на Челси како предводник на англискиот претставник во Лигата на шампионите. Повратникот на клупата на Челси е свесен дека Реал влегува како фаворит во овој четвртфинален двомеч, но сепак потсетува дека фудбалот е игра во која фановите често знаат да останат збунети. – Сите знаеме што направи Реал минатата сезона, но секоја година си носи своја историја. Реал беше неверојатен против нас минатата сезона и сите знаеме дека овој клуб и овој стадион се нешто посебно. Сепак, во фудбалот не се живее од спомени, секој меч е нова приказна. – Мора да бидеме многу дисциплинирани и да останеме верни на нашиот фудбал. Реал е противник кој речиси секогаш постигнува гол и знаеме дека ќе се браниме од многу оружја. – Притосок ќе има за двата тима. Реал Мадрид влегува како фаворит, но тоа не е проблем за мене. Во фудбалот, може да ги збуните другите. Тоа треба да биде предизвик за нас. Ако не знаете да се носите со притисокот, тогаш не сте за ваков клуб, – изјави Лампард.