Лалана за првото зимско засилување на Арсенал: Последните резултати се доказ дека можеме без него

Арсенал плати 27 милиони фунти за своето првото зимско засилување, а тоа на крајот е Леандро Тросар откако претходно клубот имаше неуспешни обиди да ги донесе Жоао Феликс и Михаило Мудрик.

Челси ја доби битката за потписите на двајцата фудбалери и им ја расипа работата на „топчиите“, кои на крајот во Брајтон го пронајдоа офанзивниот фудбалер кој треба да одговори со голови и асистенции во вториот дел од сезоната.

Арсенал има шампионски амбиции и Тросар ги истакна своите квалитети во Брајтон, клуб во кој сепак не жалат премногу за заминувањето на Белгиецот.

Тоа посебно го потенцира Адам Лалана, кој даде и добар пример за тоа колку на тимот не му бил потребен Тросар во последно време.

– Тросар не му е потребен на тимот. Треба да ги погледнете само последните три резултати кои ги остваривме без него. Тоа беа победи од 5:1, 4:1 и 3:0. Играчите можат да си одат од Брајтон, но ние имаме доволно квалитет и без нив, – потенцира Лалана.