Лазаров го објави поширокиот список на македонската репрезентација за ЕП 2022

Македонскиот ракометен селектор, Кире Лазаров, денеска го објави поширокиот список на ракометари, кои ќе бидат во комбинација за настап на Европското првенство закажано за почетокот на новата 2022 година.

Лазаров вклучи 35 ракометари на списокот кој дополнително ќе биде скратен, додека четворица ракометари отпаднале од комбинација поради неисполнување на условите на ЕХФ за настап на ЕП (вакцинирани или со прележан ковид-19).

Македонија е во група со Данска, Словенија и Црна Гора, а првиот натпревар го играме на 13. јануари 2022 година.

Настапот го започнуваме против Словенија, на 15. јануари ќе се сретнеме со Црна Гора, додека на 17. јануари противник ни е Данска. Во следната фаза ќе се пласираат двете најдобро пласирани селекции.